" పద్య రచన " బిచ్చగాని చిత్రం "

నడువ లేను బాబు నడి రోడ్డుపై నేను
దైవ మిటుల వ్రాసె దయను వీడి
పెద్ద మనసు జేసి బిచ్చ మిడిన చాలు
నేను బ్రతుక గలను నీదు కృపను

" కనులు లేని వాడు కన్ను గొట్టె "

మాట పలుక లేడు మది నిండ భావాలు
సొగసు లొలుకు తరుణి సోయ గమ్ము
కలలు కనగ మెండు కలవర పడినంత
కనులు లేని వాడు కన్ను గొట్టె !

" రణ మది శాంతి సౌఖ్యముల రాజిలజేయుచు గూర్చు శ్రేయముల్ " !

గణనము జేసి చూడగను కారణ మేమియు గాన రాదిలన్
మణి మయ మైన జీవితపు మారుని బోలిన భర్త చెంతనే
అణకువ లేక నాగరి కతాతి శయంబును వీడి మనుమా
రణమది శాంతి సౌఖ్యముల రాజిల జేయుచు గూర్చు శ్రేయముల్ !

పద్య రచన భీష్ముడు అంపశయ్యపై నుండుట "

బ్రహ్మ చారిగ మిగిలెను ప్రతిన బూని
వరము పొందెను స్వచ్చంద మరణ మనుచు
అష్ట వసువుగ ముక్తుడై కష్ట పడగ
అంప శయ్యను కోరినా డాత్మ విధుడు

" పద్య రచన " మోహిని అమృతము పంచుట "

సుధను పంచగ వచ్చెను సుంద రాంగి
అసురు లెల్ల మైమరచియు వెసను బడుతు
మధవు కంటెను మత్తిల్లె మగువ సొగసు
అసలు సంగతి మరచిరి యసురు లనగ !