" పూజలు నిష్పలంబు లవి పుణ్య మొసంగవు పాప హేతువుల్ ! "

తేజము ప్రజ్వరిల్లగను ధారుణి నేలెడు భూసురోత్తమా l
లేజవరాలి కోర్కెనిటు లేశము మాత్రము నిచ్చగిం చకన్
రాజిలు నీదు తేజమున రంజిల జేయగ యజ్ణ కోటులం
పూజలు నిష్పలంబు లవి పుణ్యమొసంగవుపాప హేతువుల్ !

" పతిని హింసించు కాంత యే పరమ సాధ్వి "

అలిగి ప్రణ యంపు కలహాన పలుక రాక
కొంటె భావమ్ము మదిలోన కొసరె గాన
కడకు కవ్వించి మురిపించి జడను విసిరి
పతిని హింసించు కాంత యే పరమ సాధ్వి !

" పరదారే ష ణము మేలు ప్రాజ్ఞుల కెల్లన్ ! "

సురలకు పరదారల మది
నరులకు నియమంబు లెన్నొనౌరా యనగా !
పొర బడిన పెండ్లి కన్నను
పర దారేష ణము మేలు ప్రాజ్ఞుల కెల్లన్ !

దత్త పది " హరి , చక్రి, విష్ణు , రామ ",

భక్త సులభుడు రాముడు ముక్తి నియగ
హరిని సేవించి తరియించ పాప హరము
చక్రి గొలిచిన తొలగును వక్ర బుద్ధి
వేరు నామము లెన్నైన విష్ణు మయమె !

" నిషిద్ధాక్షరి " శ, ష , సః , హ "

గుగ్గిలము నాయనారట
గుగ్గిలపుం బొగను ముంచి గోపతి ప్రీతిన్ !
గగ్గోలు పడుచు భక్తిని
గుగ్గిలమే గుడిని నింపి గొలిచె కపర్ధిన్ !

" రామా నాదరి రాకు రాకు మనియెన్ రంభే భయబ్ర్హాం తయై "

లేమా యేటికి భీతి చెందెదవు నీ లేబ్రాయమున్ మెచ్చితిన్
కామోద్రేకము కాదు కాదిది నినున్ కాంక్షించి మోహంబునన్
భామా వీడను నిన్ను నేనిక నభంబే క్రుంగి భీతిల్లగన్
రామా నాదరి రాకు రాకు మనియెన్ రంభే భయ భ్రాంతయై

" జనకుని జంపి దాశరధి జానకి దెచ్చెను శౌర్య మూర్తియై "

ధనువును వంచి రాజుల మదంబు నడంచి పరాక్ర మంబునన్
జనకుని కూతురైన జలజాక్షిని సీతను వీడ కుండగన్
వనముల యందు గ్రమ్మరుచు వారధి దాటి జయించి నింద్రజిత్
జనకుని జంపి దాశరధి జానకి దెచ్చెను శౌర్య మూర్తియై

"[ దత్త పది ] " ఈగ , దోమ , పేను , నల్లి "

పేను కొరుకుడు నెత్తికి పెత్త నమ్ము
దోమ లన్నియు జేరెను తోక ముడిచి
నల్లులై కుట్టి ప్రాణుల నంచి తినెడి
ప్రభువు లుండిన [ ఈ ] నీగతి ప్రజల కెపుడు

" ఆపన్నుల బందు వయ్యె నారావ ణుడున్ "

రేపన్నది యోచించక
పాపమ్ములు జేయు వారు పరి పరి విధముల్ !
శా పమ్ముల నందు కొనిన
ఆపన్నుల బందువయ్యె నారావ ణుడున్ !

" శాసన ధిక్కారమే ప్రశ స్తము గాదా "

ఈసున కైక యభీష్టము
కౌసల్యకు కలుగ జేసెకష్టమ్ము మదిన్ !
రోసెను కొమరుని తలచుచు
శాసన ధిక్కారమే ప్ర శస్తము గాదా !
-------------------------------------
మోసము జేయుచు జనులను
వాసిగ చట్టములు జేసి బాధించుట కై !
పాసెము బిగియించి తుదకు
శాసన ధిక్కారమే ప్రశ స్తము గాదా !

" పర్వ దినమని యేడ్చిరి సర్వ జనులు "

విశ్వ మంతను పాలించు నీశ్వరునకు
వత్స రమ్మున కొకనాడు యుత్స వమ్ము
స్పర్ధ లేకుండ జరుపుట వ్యర్ధ మనుచు
పర్వ దినమని యేడ్చిరి సర్వ జనులు !
---------------------------------------
కరువు దినములు వచ్చెను బరువు గాను
క్రొత్త పరికిణి పాపకు కొనెద మన్న
ధరలు నింగిని తాకగ తగునె యిటుల
పర్వ దినమని యేడ్చిరి సర్వ జనులు !

" జలము పోయగ నగ్ని జ్వాజ్వల్య మయ్యె "

వినత కద్రువ పందెము వెరగు పరచ
తెల్ల యశ్వము తోకను నల్ల దనుచు
రగిలి మండుచు నసూయ పొగలు సెగల
జలము పోయంగ నగ్ని జ్వాజ్వల్య మయ్యె
---------------------------------------------
యాగ మందున సమిధలు నాగ కుండ
హోమ మందున వేయుచు హోత యతడు
ఘ్రుతముగా నెంచి చేకొని మితము మీరి
జలము పోయగ నగ్ని జ్వాజ్వల్య మయ్యె !
--------------------------------------
క్షమించాలి కొన్ని అక్షరాలు " బండిరా , అరుకారం " సరిగా రావటల్లేదు.

" గణ యతి ప్రాసలే లేని కైత మేలు. "

కవుల మదిలోని భావాలు కలత పడగ
చందమే లేని పద్యాల కంద మేది
యతులు ప్రాసలు లేకున్న మతులు బోవు
గణ యతి ప్రాసలే లేని కైత మేలు