" పాండు తనయుల మించిన పాపు లెవరు ? "

తొల్లి జన్మల యందున్న దోష మేమొ
మాయ జూదము నందోడి జాయ తోడ
కాన లందుం డి యిడుముల కాల నేమి
పాండు తనయుల మించిన పాపు లెవరు ? "

" మహిళను దూషించు వాడు మాన్యుడు జగతిన్ ! "

అహరహము తగవు లాడుచు
గహనము గా పనులు చేసి గాసించు మదిన్ !
సహనము గోల్పోయి తుదకు
మహిళను దూషిం చు వాడు మాన్యుడు జగతిన్ !

" పాద రసమన్న తీయని పాన కమ్ము "

సోము నభిషేక మొనరించు సోమ ధార
బ్రహ్మ కడిగిన పాదాల భద్ర జలము
పరవ శమ్మున పులకించు భక్తి పద్య
పాద రసమన్న తీయని పాన కమ్ము !

" పద్య రచన " [ చిత్రము నకు తగిన రీతి ]

సంధ్య వెలుగులం దమరెను సౌరు లెన్నొ
నీలి గగనంపు సొగసుల మేలి ముసుగు
గంగ సిందూర లేలేత రంగు తటము
కవుల హృదయాలు పులకించి కావ్య మలర

" సుగ్రీవుని యెడమ కాలు శునకము గఱచెన్ "

విగ్రహము చెంత నిలబడి
అగ్రజుని పిలువ పొరబడి హన్నా యనగా !
ఉగ్రత నొందుచు పరుగున
సుగ్రీవుని యెడమ కాలు శునకము గఱచెన్ !

" విపరీతపు బులుసు కూర విస్తరి మ్రిం గెన్ "

కపట ముని కన్ను గీటగ
చపలాక్షి బిలిచె నతడిని సాపాటున కై !
కుపితుడు వడ్డన చేయగ
విపరీతపు బులుసు కూర విస్తరి మ్రిం గెన్ !
------------------------------------------
అపురూప మైన విందుకు
నెప మెన్నక వెడలె యతడు నేర్పుగ తినగన్ !
జపియిం చె యన్న పూర్ణ ను
విపరీతపు బులుసు కూర విస్తరి మ్రిం గెన్ !

" చేప చన్నులలో బాలు చెంబె డుం డె "

గొల్ల వాడిచ్చె గదయని నల్ల యావు
పసుపు కుంకుమ లలది నే భక్తి గాను
కుడితి త్రాగిం ఛి గోమాత కడుపు నిం డ
చేప చన్నుల లో బాలు చెంబె డుండె

" క్రాంతి యనగ కవుల కల్పన కద ! "

సూర్య చంద్రులనగ సొగసులు విరజిమ్ము
కనుల కింపు గాను కనగ శోభ
భ్రాంతి వీడి మదిని పరికించి శోధించ
క్రాంతి యనగ కవుల కల్పన కద !

" కనరాని విశేషములను కవి గాంచు కదా ! "

మనమున పొంగిన భావము
దనుజులు దివిజులు గగనము తారా పదమున్ !
కనులకు విం దొన రించగ
కనరాని విశేషములను కవి గాంచు కదా !

" పురుష గర్భమే సృష్టికి పుట్టినిల్లు "

నలువ జనియించె విష్ణువు నాభి నుండి
కడలి యందుండి ప్రభ వించె కల్ప తరువు
యాగ జలమున మాంధాత యవన సుతుడు
పురుష గర్భమే సృష్టికి పుట్టి నిల్లు !

" రామ నామ మనిన రక్తి రాక్షసులకు "

రామ మహిమను దెలిసిన రావ ణుం డు
కోరి మరణించి తరియించ పోరు సలిపి
శాప నిష్క్ర్యతి కలిగించు పాప హరము
రామ నామ మనిన రక్తి రాక్షసులకు