" తెలుగేలా ? యాంగ్ల భాష తియ్యగ నుండన్ "

" లక్కాకుల వెంకట రాజారావు గారి సమస్య "
---------------------------------------------

వెలయాలి వలపు వెంబడి
కులుకుచు పరుగిడిన భంగి కూరిమి తోడన్ !
తెలుగున విభవము తెలియక
తెలుగేలా ? యాంగ్ల భాష తియ్యగ నుండన్ !

" దోష కాల మొసంగు సంతోష గరిమ "

మదుర భావాల కుసుమంబు లెదను పూచె
పిల్ల తెమ్మెర వలయంబు లుల్ల మలర
ఆక శ మ్మున అరుణారుణ కాంతు లం ప్ర
దోష కాల మొసంగు సంతోష గరిమ

" ముని పదముల దాకి వార్ధి పొంగుచు నలరెన్ "

శ్రీ పండిత నేమాని వారి సమస్య
------------------------------
ఇనునకు నర్ఘ్యము నీయగ
చని గౌతము డడుగిడగనె జలనిధి లోనన్ !
మనమున దలచగ భానుని
ముని పదముల దాకి వార్ధి పొంగుచు నలరెన్ !

" భార్య పద పూజ జేతు బదుగురు మెచ్చన్ "

" శ్రీ కంది శంకరయ్య గారి సమస్య "
-----------------------------------
ఆర్యా వర్తము నందున
కార్యము సాధించు కొఱకు కార్తిక పూజల్ !
ఆర్యుని పూజకు ముందర
భార్యా పద పూజ జేతు బదుగురు మెచ్చన్ !

" దోచు కొనిన దొడ్డ దొరకు నతులు. "

శ్రీ పండిత నేమాని వారి సమస్య "
---------------------------------
వలపు వలలు విసరి వనితల మది దోచి
తుంగ లోన త్రొక్కు తుట్ట తుదకు
దొరికి నంత దొరకు తోయజాక్షి వలపు
దోచు కొనిన దొడ్డ దొరకు నతులు
--------------------------------------
రాజకీయ మందు రాటు దేలిన వారు
కోట్ల కోట్ల ధనము కొల్ల గొట్టి .
జనుల నోట మన్ను చక్కగా దట్టించి
దోచు కొనిన దొడ్డ దొరకు నతులు

' కొంటె వాడె దిగెను జగద్గురు వనంగ "

" శ్రీ పండిత నేమాని వారి సమస్య "

చిన్న నాటను చేయగ చిలిపి పనులు
తల్లి చాటున ముద్దుల తనయు డనగ
పెరిగె దిశ లందు చిన్నయ " సూరి " బిరుదు
కొంటె వాడె దిగెను జగద్గురు వనంగ !