" గణ యతి ప్రాసలే లేని కైత మేలు. "

కవుల మదిలోని భావాలు కలత పడగ
చందమే లేని పద్యాల కంద మేది
యతులు ప్రాసలు లేకున్న మతులు బోవు
గణ యతి ప్రాసలే లేని కైత మేలు

" కారము వర్ణించు వాడు కాంచెను సుఖముల్ ! "

శారదను పఠియించి మనమున
పూరణ ములు జేయ నెంచి పూరించిన చో !
తీరగ కోరికలు శుభా
కారము వర్ణించు వాడు కాంచును సుఖముల్ !
----------------------------------------------
నో రూరిం చెను గదయని
గారెలనే తినగ నెంచి కాంక్షింఛి మదిన్ !
కోరిక తీరగ యర్ద్ధ్రక్ మిర్చీ
కారము వర్ణించు వాడు కాంచును సుఖముల్ !

" దైవ మనెడి పదము తద్భ వమ్ము "

నన్ను గావు మయ్య నాపాలి దైవమై
భక్తి మీర గొలువ ముక్తి నొసగ
శరణు వేడు కొనిన కరినేల కరుణించె
దైవ మనెడి పదము తద్భ వమ్ము !

" కడలి నీరంతయును నిండె గడవ లోన "

సాగరమ్ములు మ్రింగిరి యోగ దనులు
గగన మందుండి రప్పించె గంగ భువికి
వింత యేముంది మనదంత వేద భూమి
కడలి నీరంతయును నిండె గడవ లోన !

" విరుగ బండిన చేలను విడువ దగును"

మోస గిం చెడి జనులందు దోస మెంచి
చెడును దూరము జేయుట చేటు గాదు
భుక్తి నీయదు వరి యైన పురుగు బట్టి
విరుగ బండిన చేలను విడువ దగును !