సాహిత్య దీపిక: " పద్య రచన "

10, సెప్టెంబర్ 2012, సోమవారం

" పద్య రచన "

హరి నామము నహ రహమును
స్మరి యించుచు దిరుగు నీవు చంద్ర ద్యుతివౌ !
పరి పూర్ణ మైన భక్తికి
సరి తూగరు వేద విదులు సర్వ జ్ఞుడవౌ !

13 కామెంట్‌లు:

రాజేశ్వరి నేదునూరి చెప్పారు...: ఆ . వె
మనిష i మనిషి లోన మరుగున పడి యుండు
నివురు గప్పి నట్టి నిప్పు వోలె
దనుజు లనగ వారు దాసోహ మనకుండ
శివుని నైన గాసి చేయ గలరు; సోమవారం, జనవరి 27, 2014
రాజేశ్వరి నేదునూరి చెప్పారు...: శ్రీ కంది శంకరయ్య గారి శంకరాభరణము నుండి సమస్యా పూరణలు
ఈ నాటి సమస్య
" కటిక చీఁకటి నొసఁగె భాస్కరుఁడు వచ్చి"

అస్త మించని రవిబింబ మలుక చెంది
దిశను మార్చగ తేరుపై వెసను మరచి
మబ్బు కన్నెలు ముసిరిన మైక మందు
కటిక చీకటి నొసగె భాస్కరుడు వచ్చి; బుధవారం, జనవరి 29, 2014
రాజేశ్వరి నేదునూరి చెప్పారు...: శంకరా భరణం నుండి ఈ నాటి సమస్య
" పగటి పూట నిద్రింప సంపద పెరుగును "
"
వలదు వలదని పెద్దలు కలత పడరె ?
పగటి పూట నిద్రింప ...సంపద పెరుగును
మూడు సంధ్యల యందున ముచ్చ టనగ
పూజ జేసిన తరియించు పుణ్య ఫలము; గురువారం, జనవరి 30, 2014
రాజేశ్వరి నేదునూరి చెప్పారు...: శంకరాభరణం నుండి ఈ నాటి సమస్య

" రామ యనెడి నోరు ఱాతి రోలు "
______________________-

దంచి నపుడు దలచు ధన్యోస్మి యనుమాట
బాధ మరువ నెంచి బరువు గాను
రామ యనెడి నోరు ఱాతి రోలనువారు
మలిన మైన భక్తి వెలితి యనగ; శనివారం, ఫిబ్రవరి 01, 2014
రాజేశ్వరి నేదునూరి చెప్పారు...: శంకరాభరణం నుండి
ఈ నాటి సమస్య " రాత్రి యర్ఘ్య మిడెను రవికి ద్విజుడు "_____________________________________

భక్తి మీరి నంత పరమేశు పూజించి
సమయ మెఱుగ నట్టి సంత సమున
రాత్రి యర్ఘ్య మిడేను రవికి ద్విజు డనంగ
మోద మంది యినుడు ముక్తి నిడగ; సోమవారం, ఫిబ్రవరి 03, 2014
రాజేశ్వరి నేదునూరి చెప్పారు...: శంకరాభరణం నుండ్ ' ఈ నాటి సమస్య '
" మానవతీ లలామ కభిమానమె చాలును చీర యేటికిన్ "
ఉ .
మౌనుల వేషమున్ వెడలి మౌనకయత్రి సతీమ తల్లితో
మానిని విన్నవిం చెదము మాదొక నీమము నగ్న మూర్తివై
బోనము బెట్టు మంచు ముని పుంగవు లెల్లరు కోర నప్పుడా
మానవతీ లలామ కభి మానమె చాలును చీర యేటికిన్; బుధవారం, ఫిబ్రవరి 05, 2014
రాజేశ్వరి నేదునూరి చెప్పారు...: శంకరాభరణం నుండి " పద్యరచన "
---------------------------------------
భక్తుల పాలిట కొలువై
యుక్తిగ నీవచట నుండి యూరికి చివరన్
ముక్తికి మార్గము జూపుచు
శక్తులు ప్రసరించి హనుమ శాసించుటకై; గురువారం, ఫిబ్రవరి 05, 2015
రాజేశ్వరి నేదునూరి చెప్పారు...: శంకరా భరణము నుండి
సమస్య " భారత యుద్ధమందు దశ వక్త్రుని జంపె నృసిం హుడుద్దతిన్ "
----------------------------------
వారధి దాటుచున్ వెడలి వానర మూకలు లంక గాల్చగా
మేరువు వంటి రావణుని మేదిని గూల్చెను రాముడన్న చో
మారె యుగంబు లందునను మారణ హోమము లెన్ని తీరులన్
భారత యుద్ధమందు దశ వక్త్రుని జంపె నృసిం హుడుద్దతిన్; ఆదివారం, ఫిబ్రవరి 08, 2015
రాజేశ్వరి నేదునూరి చెప్పారు...: శంకరాభరణము నుండి
సమస్య " పుడమి వెలుగును మిణుగురు పురుగు వలన "
------------------------------------------------
అలిగిన యెడ విద్యుచ్చక్తి యవిషి యందు
మెలగుటకు వీలుగానక మిణుకు మనగ
సన్న కొవ్వొత్తి కాంతికి సంత సించ
పుడమి వెలుగును మిణుగురు పురుగు వలన; గురువారం, ఫిబ్రవరి 12, 2015
రాజేశ్వరి నేదునూరి చెప్పారు...: శంకరాభరణము నుండి
న్యస్తాక్షరి " చం - ద - మా - మ " వరుసగా పాదమునకు మొదటి అక్షరములు గా నుండవలెను "
-----------------------------------------------
చందురుని వెన్నెలందున చల్లగాను
దరిని జేరిన యెదపొంగు దయిత చెంత
మాల దొంతర లందున మదిని నిలిపి
మధువు నింపెడి మాటల మదను డనుచు; గురువారం, ఫిబ్రవరి 12, 2015
రాజేశ్వరి నేదునూరి చెప్పారు...: శంకరాభరణము నుండి
సమస్య " కందములను వ్రాయు కవులు గాడిదలు కదా "
----------------------------------------
చందురుని బోలు చందము
మందముగా మనసుతాకి మాధుర్యము గన్
మందార సుమము వంటిది
కందములను వ్రాయు కవులు గాడిదలు కదా ?
కదా = " కాదు "; శుక్రవారం, ఫిబ్రవరి 13, 2015
రాజేశ్వరి నేదునూరి చెప్పారు...: శంకరాభరణము నుండి శ్రీ శంకరయ్యగారి సమస్య" వీఱ్ఱ వీగెడి వారలే విజ్ఞు లనఁగ "
--------------------------------------
నేటి యుగలక్ష ణమ్మది మేటి యనగ
కపట యుక్తులతో నుండి కల్ల లాడి
దాడి జేయుచు జనులను దండు కొనుచు
విఱ్ఱ వీగెడి వారలే విజ్ఞు లనగ; శుక్రవారం, ఏప్రిల్ 29, 2016
రాజేశ్వరి నేదునూరి చెప్పారు...: శంకరాభరణము నుండి " శ్రీ పూసపాటి కృష్ణ సూర్యకుమార్ గారి సమస్య
" బిడ్డ లిద్దఱు పుట్టిరి పేడి వలన "
--------------------------------------
నేటి వింతలు తెలుపగ సాటి ఎవరు
నింగి నంటిన తారలు తొంగి చూడ
మంత్ర మయమైన జగతిని మాయ గాక
బిడ్డ లిద్దరు పుట్టిరి పేడి వలన; శుక్రవారం, జూన్ 02, 2017