సాహిత్య దీపిక: ఆగస్టు 2011

31, ఆగస్టు 2011, బుధవారం

"వాన కాలమ్ము వచ్చిన వైద్యు డేడ్చే"

రోజు రోజుకు రోగులు పెరిగి రనగ
పెట్టె నిండెను డాబుగ కట్ట దలచి
పట్టు చీరెలు కొనమని భార్య పోరు
వాన కాలమ్ము వచ్చిన వైద్యు డేడ్చే !

30, ఆగస్టు 2011, మంగళవారం

" కరుణా మయు డన్నవారు కాలాం తకులే "

విరహాగ్నిని రగిలెడి యా
వరూధినిని వలచి కపటి ప్రవరుం డయి గం
ధర్వుడు ముదముగ దలచిన
కరుణా మయుడన్న వారు కాలాం తకులే !

28, ఆగస్టు 2011, ఆదివారం

" చేరె నవరస మ్ములలోన నీరసమ్ము "

రసము లందున శృంగార రసము మిన్న
ముదము కలిగించి గెలిపించు మునుల నైన
కరుణ శాంతము లనునవి కాన లేము
చేరె నవరస మ్ములలోన నీర సమ్ము !

26, ఆగస్టు 2011, శుక్రవారం

" తల క్రిందుగ నిలిపి నెలత తలదువ్వు కొనెన్ "

" కట్ట మూరివారి అవధాన పర్వంలోని సమస్య "

నెల రాజును గని నంతనె
వలరాజును మదిని దలచి పరవశ యగుచున్
కలలందు తేలియాడుచు
తల క్రిందుగ నిలిపి నెలత తలదువ్వు కొనెన్ !