చింతా రామ కృష్ణా రావు గారి " కంద గీత గర్భ చంపక మాల

వరగుణ ధామమా!సుజన భావన దేలుచు శోభగూర్చి భా
గ్య రమయనన్ దగన్,మెలగు గౌరవ సన్నుత మేలు బంతివే
వర వినయాదులన్ ప్రతిభ భాగ్యవిధానము భవ్యమీరు గా
వర మణులై సదా వెలుగు పంచెడి చక్కని వేలుపీవె గా
కందము.
గుణధామా !సుజన భా
వన దేలుచు శోభ గూర్చి భాగ్య రమయనన్
వినయాదులన్ ప్రతిభ భా
గ్య విధానము భవ్య మీరు గా ! వరమణులై.
తేట గీతి
సుజన భావన దేలుచు శోభ గూర్చి
మెలగు గౌరవ సన్నుత మేలు బంతి
ప్రతిభ భాగ్య విధానము భవ్య మీరు
వెలుగు పంచెడి చక్కని వేలుపీవె