సాహిత్య దీపిక: మే 2011

28, మే 2011, శనివారం

మట్టి పెకలించ పెకలించ మణులు పుట్టు
తమసు తరిగించి తరిగించి తనరు వెలుగు
జలము మరుగంగ మరుగంగ జలద మలర
కట్టె మదియింప మదియింప గలుగు నిప్పు

23, మే 2011, సోమవారం

మంత్ర పటిమ వలన తంత్ర మొల్లని కుంతి
కవచ కుండ లముల గనెను సుతుని
గంగ లోన విడచి భంగ పడెను గాన
బిడ్డ గన్న తల్లి గొడ్డు రాలు .

21, మే 2011, శనివారం

మగని చెంత జేరి ముదముగ నా యింతి
తనదు కోర్కె తెలుప తెలివి గాను
కతలు కవిత లల్లి కలవర పరచగ
కవిని పెండ్లి యాడి కాంత వగచె !

5, మే 2011, గురువారం

భర్త మీద యలిగి పంతము గ నా యింతి
పట్టు చీర కొనగ గుట్టు గాను
పర్సు తెరిచి చూడ పైకమ్ము మరువగ
చీర విడిచి వెడలె జిగురు బోడి !

సాహిత్య దీపిక