సాహిత్య దీపిక: " padya rachana "

12, సెప్టెంబర్ 2012, బుధవారం

" padya rachana "

కాశి యన్న పూర్ణ కానినేయుని గాచె
శాప మిడు నటంచు పాప మడచ
భర్త వచ్చి యడుగ భక్తిగా వడ్డించె
బిక్ష యనగ కాదు ప్రేమ నిష్ఠ !

9 కామెంట్‌లు:

రాజేశ్వరి నేదునూరి చెప్పారు...: శంకరాభరణము నుండి .సమస్య
" మధిరా పానమ్ము ముక్తి మార్గమ్ము కదా ! "
-------------------------------------------
ఎద మండెడి యడియాశల
మధిరా పానమ్ము , ముక్తి మార్గమ్ము కదా
వదలక శివ పాదమ్ముల
సుధనే గ్రోలంగ మిగులు సోముని కృపయే; బుధవారం, ఫిబ్రవరి 25, 2015
రాజేశ్వరి నేదునూరి చెప్పారు...: పద్య రచన అంశము " క్రికెట్టు "
-----------------------------------
జేసెడి పనులను వీడుచు
మీసమ్ము లనుమెలి వేసి మీరిన బెట్టున్
రోసముగ క్రికెటు గెలిచిన
భాసముగా ముదము నొంది పలువురు మెచ్చన్; బుధవారం, ఫిబ్రవరి 25, 2015
రాజేశ్వరి నేదునూరి చెప్పారు...: శంకరాభరణము నుండి
పద్య రచన .అంశము " గళ్ళ నుడికట్టు "
---------------------------------------
మోదము నొందుచు మదికి వి
నోదము కలిగించు నంట నూతనరీతి
న్నాదము జేయుచు గడులను
సాదరముగ నింపి నంత సంతస మొందన్; గురువారం, ఫిబ్రవరి 26, 2015
రాజేశ్వరి నేదునూరి చెప్పారు...: శంకరాభరణము నుండి
సమస్య " హరియించున్ ఘన పాతకమ్ములను హత్యా ద్యూత చౌర్యమ్ములే "
-----------------------------------------------
పరమేశున్ భజియించగా మనసు భావా వేశముల్ వీడుచో
హరియించున్ ఘన పాతకమ్ములను హత్యా ద్యూత చౌర్యమ్ములే
పరిమార్చున్ కడదేరు నంత వరకున్ బాధించగా నుండవే
వరదుం డానతియిచ్చి నంత తడవున్ భాసించి సౌఖ్యం బిడన్; గురువారం, ఫిబ్రవరి 26, 2015
రాజేశ్వరి నేదునూరి చెప్పారు...: శంకరాభరణం నుండి
పద్య రచన " తెలుగు మహా సభలు "
---------------------------------------
తొలిపలు కులుసభ యందున
కలవరపడి మాతృ భాష కైమోడ్పు లనన్
తెలుగును వీడకు మెన్నడు
వెలిగించును బ్రతుకు బాట వేలుపు లెపుడున్; శుక్రవారం, ఫిబ్రవరి 27, 2015
రాజేశ్వరి నేదునూరి చెప్పారు...: శంకరాభరణము నుండి
సమస్య " టీవీ లుండెనట మునికుటీరము లందున్
--------------------------------------------
ఆవెనుకటి యుగము లములలో
నీవేలే తలచితివని నేపిలు వంగన్
భావన మందసము లవలె
టీవీ లుండెనట ముని కుటీరము లందున్; శుక్రవారం, ఫిబ్రవరి 27, 2015
రాజేశ్వరి నేదునూరి చెప్పారు...: చాటువు
మీసము పస మగమూతికి
వాసము పస యిండ్లకెల్ల వనితల కెల్లన్
వేసము పస బంట్రౌతుకు
గ్రాసము పస కుందవరపు కవి చౌడప్పా; శుక్రవారం, ఫిబ్రవరి 27, 2015
రాజేశ్వరి నేదునూరి చెప్పారు...: శంకరాభరణము నుండి
దత్తపది " పసి కసి రసి మసి "
------------------------------------
రూపసి యగుసీతను గని
పాపపు మసిమనసు తోడ బాధించె సతిన్
శాపము గాదని రసికత
కోపము వలదంచు కసిరె కూరిమి నుండన్; ఆదివారం, మార్చి 01, 2015
రాజేశ్వరి నేదునూరి చెప్పారు...: శంకరాభరణము నుండి
సమస్య " హరిని పూజింత్రు నాస్తికు లనవరతము
----------------------------------------------
గొప్ప కొఱకని కొందరు కోరి కోరి
హరిని పూజింత్రు నాస్తికు లనవరతము
దైవ మన్నది చాందస భావ మనుచు
యెదను భీతిగ పలుకును మోద మలర; మంగళవారం, మార్చి 03, 2015